Svalepeşi yoxo k’oçi yoxost’er-on. Koçi-s muç’e yoxomuşite vuyoxamt, svalepeşk’uni-ti yoxonişite elevişinamt. Gzay-na ok’ovaget didalepeşk’uni-k; “E mudara, nakele molulur?” deyi mik’itxanis, “O3’arist’e sirt’i-şa golaft’idot’u, k’ok’o3’elimuşe” deyi ozit’u-şi tadi muyas uğun ?

Şk’u, k’at’upenişi-s bile memsk’vaneri yoxope-na codumt’es Lazepe-şi montalepe va voret-i? E ho. Hindos oç’ume - cendğani tixinerepeşk’uni moyoma3’esi, o3’arist’e-şe mi golaxtasere, namazluği do k’vata-s mi celaxedasere , t’axt’op’i-şe mi celaxt’asere? Xolo ş’ku... Ham yoxope mik şinaxasere? Berepe do montalepeşk’uni-k...

Badepeşk’uni-k naminepes celaxedut’es do imjorinamt’es, sift’eri-s nak-şa ntxozut’es, boda nak cobamt’es, puci naminepes oncinamt’es, nçayi oraği, burç’uli do arguni naminepes obiramt’es? Ya didalepeşk’uni-k? Lazut’i nam livadepes xaşk’umt’es, uk’aye-ti k’alivepe çumt’es, karmat’e-şe culut’ek’eyşa-yi k’uçxepe ç’unç’u, nam orubape golulut’es? Pavri nak kosumt’es, dişk’a na-k nobğamt’es? Ya do bayramepes divi st’eri ok’arunape naminepes cobamt’es, biç’i do bozomotalepe-k sevdaluğepe naminepes ikumt’es? 3’uk’ali do mila na-k ibit’es? E k’aybana... him o3’arist’e do bayramok’aruna-k nena moğuk’o do a dimeseluk’o...

Hus iduşunit! a p’ot’epes şk’uni st’eri-na gulut’es, di3amt’es do ixap’at’es, içalişamt’es, ixoronamt’es do gamiyoxamt’es nenape na-k oran? Hani iri mişk’uta’nene-çi huy do melenepes mameselan. Mi voret, muya voret, mis mevumgut... Mo-gogoç’ondran! Nananenaşk’uni sk’udas-na hini-ti sk’udanene.

Aviyape / Mahalleler

Alina aviya	Ecu aviya	K’at’ayi aviya	Paynu - Cursu - Melezeni aviya
Anavut’i aviya	Eşu aviya	K’oru aviya	Rece aviya
Baynazi aviya	Eyu aviya	Ku3’i sirt’i	Sinani aviya
Cule aviya	Feride aviya	Modi aviya	Sirt’urepe
Derdi mehele	Gudu aviya	Murut’i aviya	Şerifi aviya
Ebi aviya	Heli aviya	Msk’veri - K’izu aviya	T’ak’o aviya
Yegeni aviya	İbak’ara golayona	Nezhimanganape	Vavilaturepe
Yunu aviya
Zuli aviya

Livadepe / Bahçeler

Ap’aç’i livadi	Çerimepe livadi	Op’rinzhe	Livadi k’udeli – Livadi k’u3’umbi
Balaxepuna livadi	Çeşuna livadi	P’layç’i livadi
Çerani livadi	Dumina livadi	P’layç’i oç’epre
Edi-Badi-P’ap’u-Efa cetasule	Kvakçe livadi	Tamluna (Tambuna)
Ğaliyona (Ğalyaona) livadi	Mbuna livadi	Tarxaniti livadi
İndra livadi	Melezeni livadi	T’epe- Noncexeli –Dixaliç’i -Dixali
Jileni – Tudeni - Oşk’endani - Oxori livadi	Muxuri livadi	Vavilati livadi
K’arp’uzluği livadi	Mzuci livadi	Xerk’i 3’ale
Kvaç’inaxu livadi	Omjora livadi	3’aricexunoni

Çayluğepe / Çaylıklar

Andalivati	Demircimeşe	Kvakçe	Muxuri ti
Andrak’una	Fin3’ilet’a	Kvalona	Mu3’aona
Badi3’ari	Ğaliyona	Ki3oruba	M3’upuna
Balaxepuna	Gumzhe ğaliyona	Lamgvalepuna	Nopinale
Beçiri ç’iladi	Heli okurmale	Lori gumzhe	Okurmale
Berepeona	İndra duzleme	Luği ç’iladi	Omjora
Cerişopxe (Mcverişopxe)	K’at’ori	Luk’umat’i	Onçxura
Ç’ak’iri dixa	K’arp’uzluği	Mbuna	O3’arist’e
Ç’ubrimbuli	K’oru	Muxuri	Osimote
Oxori ti	Sifadixa	Vavilati
Paşanak’oru	Şk’a k’uçxe	Vezirinaona
P’layç’i	Tarxaniti	Yağupit’i
Sabiliona	Tambuna	Xerk’i 3’ale

Onape / Ormanlık alanlar

Ame k’oru
Anavut’i k’oru
Balaxepuna

Berepeona

Ç’urç’i Mundi k’oru,	Ğudu k’oru	Mbuna k’oru	Nezhimangana
Çordoxepuna	İdili okurmale	Muxuri ok’oç’axuri	Paşanak’oru
Ç’ubrepuna	İst’runa - ist’repuna	Mu3’aona	P’layç’iona
Danzhona	K’araxasani ona	Memeni ona	Sabiliona
Fin3’ilet’a	K’oru	M3’ue3’erina	Txombepuna
Gumzhe ğaliyona	Kvakçeona	M3’upuna (M3’upi)	Yegeni k’oru
Limxonapuna	Luği ç’iladi	Nezhi ç’iladi	Xasanağa ona
Xasani Exa k’oru	Vezirina ona	Zeçeriya k’oru

Kvalonape / Taşlık yerler

Ju Kva	Kvalona	Lat’ambati
Kvakçe	Lamgvalepuna	T’epe-Noncexeli-Dixaliç’i-Dixali

Zenepe / Düzlükler

Balaxepuna nduzi	Fatixe nduzi	Melezeni
Cerişopxe	İndra nduzi	3’arizeni
Çeşuna nduzi.	K’at’riğa nduzi	T’avazeni
Ç’ubrimbuli	Kvakçe nduzi	Uvaç’iladi
Demircimeşe nduzi	Mbuna nduzi

K’abanepe / Diklikler

Çayluği k’abani	İst’runa yok’uşi	Omjora k’abani
Gumzhe boğazi	Livora boğazi	3’ari boğazi
Gumzhe ğaliyona	Memet’ina k’abani

Sirt’epe / Tepeler

Badi3’ari sirt’i	Fin3’ilet’a sirt’i	Mera sirt’i
Ceçit’i sirt’i	Fin3’imbuna sirt’i	Muxuri sirt’i
Çelonameşe sirt’i	Jukva sirt’i	Muxuri t’it’ili
Cemoleri sirt’i	Kat’riğa sirt’i	O3’arist’e sirt’i
Çordoxepuna sirt’i	Kvakçe sirt’i	Yağup’it’i sirt’i.
Ç’ek’oleti sirt’i	Limxonapuna sirt’i	Xaci Tenta sirt’i

Orubape / Dereler

Balaxepuna yirmaği	K’at’ori yirmaği	Luk’umat’i yirmaği	Onçxura yirmaği
Furuni yirmaği	Koşanci yirmaği	Mbuna yirmaği	Omjora yirmaği
Ğaliyona yirmaği	Kvalona yirmaği	M3’upuna yirmaği	P’layç’i yirmaği
Ki3oruba	Lamgvalepuna yirmaği	Mu3’aona yirmaği	3’ari3’oneri yirmaği
3’arizeni yirmaği	Xanzhi yirmaği

T’obape / Göletler

Çayluği ncoli	Xeci K’uyi - Ğeci Nt’oleri	3’arizeni ncoli	P’layç’i ceçaçxalinoni

Oşvalenape - Poxari 3’arepe / Pınarlar

Ali dayi oşvalena (Ç’ivi)	Mbuna 3’ari	O3’arist’e 3’ari	Luk’umat’i 3’ari
Anavut’i 3’ari	Mera poxari	P’ap’u oşvalena	Nok’t’a oşvalena
Çordoxepuna poxari	Melezeni 3’ari	Paşanak’oru 3’ari
Ğaliyona 3’ari	Mu3’aruna 3’ari	3’ari3’oneri 3’ari	Xort’oloşi 3’ari (Cabati ceninkturi)

Ok’olvape / Buluşma Noktaları

O3’arist’e :		Koçepe celaxedut’es do ixap’ate’es. Ot’rağodu, oxoronu, gamayaoxinuşi sva. Opşa nezetli 3’ari uğut’u. Ar k’ok’3elimumu-şi dunya-s koğis.
Bayramok’aruna :		Bayramepes morderi ok’arunape cobamt’es do biç’i- bozomota dik’anet’es.
Namazluği		: Eski muxt’ari Xelil dayi-şi aviya-do mole. Opşa cuneli-na ot’u şeni badepe celeğedut’es. Ar da namazi-şi kva zhut’u. Namazi ikumt’es.
Jukva Sirt’i		: Cencepe-na ok’ulut’es do t’rağodamt’es sva. Hus Jukva alimyeri cedgun.
K’vata		: K’u3’i sirt’i tude, mektebi gzas, cuneli golaxunaşe. Badepe-k celaxedut’es do k’ok’i3et’es.
Xerk’i 3’ale		: İnda-s, celaxuna do oxoronu sva.
T’axt’op’i		: İlkokuli-na cedgun sva. Çoyi gale dosk’udun, a m3’ik’a elak’arxan.
Ç’urç’i Mundi		: 450 met’ro-te çoyişi en yukseği ndaği. Sari sift’erepe-şi gza.
Mera –T’op Sahasi		: Çoyi berepe do delik’anlipe-k t’op’u ibiranene deyi him vak’it’i-şi Öğretmenepe-k eyogutes do xope do loriç’i-te t’op sahasi gamiyones.
Xaci Tenta		: Alinape-şi Muxuri ti-s evelden beri sift’eri-na iç’open, eyo3’elimoni sirt’i.
T’epe – Noncexeli-Dixaliç’i –Cixali		:,Rusepe’şi mesimaderi , morderi kva. Dixaliç’i hini-k codves. Vorsi ixi bas, sift’eri boda ciben. Hem zuğa, hem-ti k’at’a k’ale izhiren. Evel-is morderi direğepe do3onamt’es do ok’aruna cobamt’es.

Cerişopxe – Mcverişobğe : Çoyi-s nandarek’es-is 3’uk’ali obiru-şe hik golulut’es.

T’avazeni : 3’arizeni elayona-s opşa uça urzheni- na iyet’u şeni tava hik iğamt’es do cedgamt’es. P’ek’mezi cibamt’es.
Çerani Livadi : Çomuri k’uyi ot’u. Çomuri ç’umt’es.
Came Aviya- Came K’ap’ula : Mezare-na on sva.
3’ari3’oneri : İndra-s, oruba. Baynazi Nuri do Eme Osma dayi ara-s sva opayu dava va içodu do 3’ari bile i3’onu deyi ham yoxo kocodves.

Ek’omosk’udes-na mi3’vit, minç’arit.

XUNARİŞKİMİ İÇERİK